॥ श्रीगणेशाय नमः ॥ ॥ अथ श्रीनारदपञ्चरात्रे ज्ञानामृतसारे श्रीसनत्कुमारसंहितायां त्रैलोक्यमङ्गलंनाम श्रीकृष्णकवचम् ॥ पूर्वपीठिका (संवाद और माहात्म्य) पुलस्त्य उवाच भगवन् सर्वधर्मज्ञ कवचं यत्प्रकाशितम् । त्रैलोक्यमङ्गल नाम कृपया कथय प्रभो श्रीसनत्कुमार उवाच शृणु वक्ष्यामि विप्रेन्द्र कवचं परमाद्भुतम् । नारायणेन कथितं कृपया ब्रह्मणे पुरा ब्रह्मणा कथितं मह्यं परं स्नेहाद्वदामि ते । अतिगुह्यतरं तत्त्वं ब्रह्ममन्त्रौघविग्रहम् ॥ यद्धृत्वा पठनाद्ब्रह्मा सृष्टिं वितनुते ध्रुवम् । यद्धृत्वा पठनात्पाति महालक्ष्मीर्जगत्त्रयम् ॥ पठनाद्धारणाच्छम्भुः संहर्ता सर्वतत्त्ववित् । त्रैलोक्यजननी दुर्गा महिषादिमहासुरान् ॥ वरदृप्तान् जघानैव पठनाद्धारणाद्यतः । एवमिन्द्रादयः सर्वे सर्वैश्वर्यमवाप्नुयुः ॥ इदं कवचमत्यन्तं गुप्तं कुत्रापि नो वदेत् । शिष्याय भक्तियुक्ताय साधकाय प्रकाशयेत् ॥ शठाय परशिष्याय दत्त्वा मृत्युमवाप्नुयात् । विनियोगः (संकल्प) ॐ अस्य श्रीत्रैलोक्यमङ्गलस्यास्य कवचस्य प्रजापतिऋषिः । गायत्री छन्दः । श्रीनारायणो देवता । धर्मार्थकाममोक्षेषु विनियोगः प्रकीर्तितः ॥ मूल कवचम् प्रणवो मे शिरः पातु नमो नारायणाय च । भालं मे नेत्रयुगलमष्टार्णो भुक्तिमुक्तिदः ॥ क्लीं पायाच्छ्रोत्रयुग्मं चैकाक्षरः सर्वमोहनः । क्लीं कृष्णाय सदा घ्राणं गोविन्दायेति जिह्विकाम् ॥ गोपीजनपदं वल्लभाय स्वाहाननं मम । अष्टादशाक्षरो मन्त्रः कण्ठं पातु दशाक्षरः ॥ गोपीजनपदं वल्लभाय स्वाहा भुजद्वयम् । क्लीं ग्लौं क्लीं श्यामलाङ्गाय नमः स्कन्धौ दशाक्षरः ॥ क्लीं कृष्ण क्लीं करौ पायात् क्लीं कृष्णायाङ्गतोऽवतु । हृदयं भुवनेशानी क्लीं कृष्णाय क्लीं स्तनौ मम ॥ गोपालायाग्निजायान्तं कुक्षियुग्मं सदावतु । क्लीं कृष्णाय सदा पातु पार्श्वयुग्ममनुत्तमः ॥ कृष्णगोविन्दकौ पातां स्मराद्यौ ङेयुतौ मनुः । अष्टाक्षरः पातु नाभिं कृष्णेति द्व्यक्षरोऽवतु ॥ पृष्ठं क्लीं कृष्णकं गल्लं क्लीं कृष्णाय द्विठान्तकः । सक्थिनी सततं पातु श्रीं ह्रीं क्लीं कृष्णठद्वयम् ॥ ऊरू सप्ताक्षरः पायात्त्रयोदशाक्षरोऽवतु । श्रीं ह्रीं क्लीं पदतो गोपीजनवल्लभदन्ततः ॥ भाय स्वाहेति पायुं वै क्लीं ह्रीं श्रीं सदशार्णकः । जानुनी च सदा पातु ह्रीं श्रीं क्लीं च दशाक्षरः ॥ त्रयोदशाक्षरः पातु जङ्घे चक्राद्युदायुधः । अष्टादशाक्षरो ह्रीं श्रीं पूर्वको विंशदर्णकः ॥ सर्वाङ्गं मे सदा पातु द्वारकानायको बली । नमो भगवते पश्चाद्वासुदेवाय तत्परम् ॥ दिग्बन्धन (दिशाओं की रक्षा) ताराद्यो द्वादशार्णोऽयं प्राच्यां मां सर्वदाऽवतु । श्रीं ह्रीं क्लीं च दशार्णस्तु ह्रीं क्लीं श्रीं षोडशार्णकः ॥ गदाद्यायुधो विष्णुर्मामग्नेर्दिशि रक्षतु । ह्रीं श्रीं दशाक्षरो मन्त्रो दक्षिणे मां सदाऽवतु ॥ तारो नमो भगवते रुक्मिणीवल्लभाय च । स्वाहेति षोडशार्णोऽयं नैरृत्यां दिशि रक्षतु ॥ क्लीं हृषीके पदं शाय नमो मां वारुणोऽवतु । अष्टादशार्णः कामान्तो वायव्ये मां सदाऽवतु ॥ श्रीं मायाकामकृष्णाय गोविन्दाय द्विठो मनुः । द्वादशार्णात्मको विष्णुरुत्तरे मां सदाऽवतु ॥ वाग्भवं कामकृष्णाय ह्रीं गोविन्दाय तत्परम् । श्री गोपीजनवल्लभान्ताय स्वाहा हस्तौ ततः ॥ द्वाविंशत्यक्षरो मन्त्रो मामैशान्ये सदाऽवतु । कालियस्य फणामध्ये दिव्यं नृत्यं करोति तम् ॥ नमामि देवकीपुत्रं नृत्यराजानमच्युतम् । द्वात्रिंशदक्षरो मन्त्रोऽप्यधो मां सर्वदाऽवतु ॥ कामदेवाय विद्महे पुष्पबाणाय धीमहि । तन्नोऽनङ्गः प्रचोदयादेषा मां पातुचोर्ध्वतः ॥ फलश्रुतिः (माहात्म्य) इति ते कथितं विप्र ब्रह्ममन्त्रौघविग्रहम् । तवे स्नेहान्मयाऽख्यातं प्रवक्तव्यं न कस्यचित् ॥ गुरुमभ्यर्च्य विधिवत् कवचं प्रपठेत् ततः । सकृद् द्विस्त्रिर्यथाज्ञानं सोऽपि पुण्यवतां वरः ॥ इदं कवचमज्ञात्वा यो जपेत् पुरुषोत्तमम् । शतलक्षं प्रजप्तोऽपि न मन्त्रः सिद्धिदायकः ॥ स याति नरकं घोरं कल्पकोटिशतानि च । सर्वसिद्धिप्रदं विप्र कवचं परमाद्भुतम् ॥ यत्र तिष्ठति तद् गेहे लक्ष्मीर्वाणी वसेद् ध्रुवम् । पुष्पाञ्जल्यष्टकं दत्वा मूलेनैव पठेत् सकृत् ॥ वर्षलक्षस्य पूजायाः फलमाप्नोति निश्चितम् । भूर्जपत्रे समालिख्य रोचनागुरुकुङ्कुमैः ॥ रविवारे च सङ्क्रांत्यां सप्तम्यां च विशेषतः । धारयेन्मूर्ध्नि बाहौ वा कण्ठे वा तत्समः पुमान् ॥ त्रैलोक्यं मोहयत्येव त्रैलोक्यविजयी भवेत् । इदं कवचमज्ञात्वा भजते पुरुषोत्तमम् । शतलक्षप्रजप्तोऽपि न मन्त्रस्तस्य सिद्ध्यति ॥ ॥ इति श्रीनारदपञ्चरात्रे ज्ञानामृतसारे श्रीसनत्कुमारसंहितायां त्रैलोक्यमङ्गलंनाम श्रीकृष्णकवचं सम्पूर्णम् ॥